Scroll

Vigni metal é prezius por nos.

Aciá, Inox, brom, latun, ram: por nos é le metal na materia via ch’i laurun cun forza, energia y creativité. Anfat sc’i laurun por de gran aziëndes o por privac, i ti dun na gran importanza ala cualité alta, al’afidabilité, ala gestiun avisa y ala puntualité da surandé i laurs ch’i fajun. Ci che vëgn dant sön chëstes plates é, dit en cört, na storia che vá zoruch te mia infanzia y che á tres ciamó plates nöies da scrí. Buna vijiun.

Canch’i ê n te pice möt savôi bele ch’i ess lauré le fer. Te paisc êl dui de vedli feurs y i á imparé les prömes cosses propi da d’ëi. Canch’ai â stlüt la bercstot, n’êl plü degügn te paisc che fajô chël mistier. I â ciaré dalunc: dan da me êl na prospetiva.

Child
Restart

Da jonn ái studié a Bornech por imparé le todësch y fá le lerner. I m’la cavâ bun cun le füch y i fajô bele val’ pice laur por i paurs dla valada. I á imparé da lauré le fer batü, da fá le zumpradú y da svilupé y proieté soluziuns de vigni sort cun le fer.

Diplom Maester Artejan

Spo ái conesciü Rosi y deboriada unse tut la dezijiun da cumpré n grunt por fá sö nosta aziënda. Intratan me dêi da fá te n garage, propi dlungia la dlijia de paisc.

Isidoro Clara

Dl 1994 él nasciü Isifer, porciodí ch’i á inom Isidoro y por me é düc i metai preziusc. Al n’é mine ma l’or, l’arjënt o le platin. Al contrar, al me plej ciamó deplü l’aciá, l’aciá inossidabl, l’aluminium, le latun, le ram, y ince le brom y le corten me dá tröpes sodesfaziuns.

La vedla sënta de Isifer a Lungiarü

Aldedaincö sunse n grup de n diesc porsones. I ne laurun nia ma te nosta valada, mo ince fora por döta la regiun, tl’Austria, tla Svizera y cinamai a Paris. I un arjunt dötes le zerficaziuns ch’an adora, talianes y europeiches, y nosc laur é n laur de cualité.

Da chësc ann inant sunse na sozieté Srl, porciodí ch’al é le momënt da ti lascé la lerch ai jogn. Pro nos él gnü pormez Franz y Alan y i sun bele tl laur da arjigné ca n magazin nü por realisé i proiec dl dagní.

Danter nüsc cliënc él architëc, aziëndes, industries, hotí y porsones privates y i sun bele dadî atrezá por la lauraziun dla banda cun tai y inzijiun laser.

Dala proietaziun al produt final pitun na cualité dër alta te dötes nostes lauraziuns, cun soluziuns completes de svilup tecnich. I studiun fora co fá da ciafé soluziuns ai problems tles istalaziuns desvalies, i fajun proiec y ciarun da daidé da realisé tla pratica ci che i architëc á madër desmazé, i dessignun te 3D y la tecnologia é sön nosta pert.

Feur Val Badia Metall-Design Team Isifer Metal y inovaziun Laur de grup Faur Tai laser

Le metal n’á nia socrëc por nos y i le laurun tles manires plü desvalies, en combinaziun cun spidl y d’atri materiai. I cheriun les strotöres che porta y i sun bugn da ofrí produc personalisá y sön mosöra.

Proiet de metal Proiet de metal Proiet de metal Proiet de metal Proiet de metal

Nosta storia é döta chiló, fata de laur, competënza y sorí. Sce, deache a nos nes plejel la vita y i orun fá les cosses sciöch’al toca. Porciodí pa, a os no?