Fer, aciá, inox, aluminium, brom, latun y ram: i taiun vigni sort de metal cun le laser, sön la basa de dessëgns ch’i un nos fat o che le cliënt nes á dé. I realisun lauraziuns de banda por componënc trac fora dal tai laser de metai por produziuns piceres, mesanes y granes. Nosta esperiënza y nosta organisaziun nes pormët da ester asvelc y puntuai da surandé i laurs.
Dilan a na mascin che taia cun le laser dales dimenjiuns de 3000x1500 podunse taié a laser deplü sorts de materiai cun grossëzes desvalies:
Banda foscia y banda corten cina 12 mm
Inox cina 8 mm
Banda zincada cina 5 mm
Aluminium cina 5 mm
Latun y brom cina 3 mm Dilan a nostes capazités sunse bugn da smendrí i tëmps da taié le material y chësc porta a n aumënt dla produtivité cun n sparagn nia da püch por ci che reverda cos´c y consums energetics.
Cun le tëmp unse arjunt zertificaziuns y atestac che garantësc y testemoniëia la cualité de nosta manira da lauré.
I sun a San Martin de Tor. La belëza de nosta picia val é na buna gauja por gní a nes ciafé. Mo i sun ince porsones dassënn dinamiches y i Ves gnun adicuntra zënza problems.
